നഴ്‌സ്മാരുടെ സമരത്തെ അനുകൂലിച്ചുള്ള ചില ലേഖനങ്ങൾ

സൈമൺ ജോസഫ് 

നഴ്‌സ്മാരുടെ സമരത്തെ അനുകൂലിച്ചുള്ള ചില ലേഖനങ്ങൾ ഫേസ്ബുക്കിൽ വായിക്കുവാനിടയായത് താഴെ കൊടുത്തിരിക്കുന്നു. ജീവകാരുണ്യപ്രവർത്തനം എന്ന മുഖംമൂടി ഉപയോഗിച്ച് നമ്മുടെ സഹോദരീസഹോദരന്മാർക്ക് വേണ്ട ശമ്പളം നൽകാതെ പീഡിപ്പിക്കുന്നത് കഷ്ടംതന്നെ.

വളരെ പ്രസക്തമായ ഈ കറിപ്പ് ജോയ് ചേറ്റുപുഴയുടെതാണ്. സത്യം മാത്രം പറഞ്ഞിരിക്കുന്നു

പള്ളിവക സ്ഥാപനങ്ങളിൽ പുരോഹിതരല്ലാത്തവർ പണിയെടുക്കുന്നത് അടിമകളെപ്പോലെയാണ്. അല്ലെങ്കിൽ അവരുടെ സ്തുതിപാഠകരാകണം.ആല്മാഭിമാനമുള്ളവർക്കു പറ്റിയ പണിയല്ല പള്ളി സ്ഥാപനങ്ങളിലെ പണി. ഒരു തൊഴിൽ നിയമവും അവർക്കു ബാധകമല്ല. അൺഎയ്ഡഡ് സ്കൂളുകളിലെ സ്ഥിതിഅടിമപ്പണിയെക്കാൾ പരിതാപകരമാണ്. എയ്ഡഡ് സ്കൂളുകളിലും കോളേജുകളിലും നേരിട്ട് ശമ്പളം കൊടുക്കുന്നതുകൊണ്ടുമാത്രം അവരുടെ സ്ഥിതി കുറച്ച്ഭേദമാണ്. പക്ഷെ ജോസഫ് മാഷിന്റെ സ്ഥിതി അറിയാമല്ലോ. ഭരണ പ്രതിപക്ഷ ഭേദമില്ലാതെ എല്ലാ രാഷ്ട്രീയ പാർട്ടികളും ഇവരുടെ കീശയിലാണ്. ബിജെപിയുംളോഹപ്പേടിയിലാണ്. കത്തോലിക്കാ സഭ എന്ന ഒരു മാസിക പത്രം തൃശൂർ അതിരൂപതയിൽ നടത്തുന്നുണ്ട്. ഞങ്ങളുടെ വീട്ടിൽ വരിസംഖ്യ കൊടുക്കാതെ തന്നെഎറിഞ്ഞു പോകുന്നുണ്ട്. നുണയെഴുതുന്ന ധാരാളം പത്രങ്ങൾ കേരളത്തിലുണ്ട് പക്ഷെ ഈ പത്രത്തിൽ നുണ മാത്രമേ എഴുതൂ. ഈ മാസത്തിലെ പത്രത്തിൽനഴ്സുമാരുടെ സമരത്തെക്കുറിച്ചും 'പള്ളിനിയമ'ത്തെക്കുറിച്ചും പച്ച നുണകൾ എഴുതിപ്പിടിച്ചിട്ടുണ്ട്. നുണയെഴുതുന്നതിൽ ഡോക്ടറേറ്റ് ഉണ്ടെങ്കിൽ ഇവർക്ക് കിട്ടും.ഒരു പത്രത്തിന് എത്രമാത്രം തരം താഴാമെന്നുള്ളതിന് ഈ പത്രം തന്നെയാണ് ഉത്തമ ഉദാഹരണം. ഈ പത്രമാണ് നഴ്സുമാരുടെ സംഘടനകൾ കത്തിക്കേണ്ടത്. മാതൃകഇവർ തന്നെ കാണിച്ചു തന്നിട്ടുണ്ടല്ലോ. കോട്ടയത്ത് ഇവരുടെ കുട്ടി സംഘടന മനോരമ പത്രം കത്തിച്ചതിനു ഞാൻ സാക്ഷിയാണ്. നഴ്സുമാരുടെ പ്രശ്നംപരിഹരിച്ചില്ലെങ്കിൽ പള്ളിക്കു ഒരു നയാപൈസ പോലും കൊടുക്കില്ല എന്നും പള്ളിപരിപാടികളിൽ പങ്കെടുക്കുകയില്ല എന്നും നല്ല ക്രിസ്ത്യാനികൾ തീരുമാനിച്ചാൽപുരോഹിതരുടെ മുട്ട് വിറക്കും. 'കത്തോലിക്കാ വോട്ട് ബാങ്ക്' എന്ന കടലാസു പുലിയെ കാണിച്ചുകൊണ്ടാണ് ഇവർ രാഷ്ട്രീയക്കാരെ വിരട്ടുന്നത്. എങ്ങിനെയുംഅധികാരം നിലനിർത്തുക എന്ന ഒറ്റ ലക്ഷ്യത്തിൽ പ്രവർത്തിക്കുന്ന രാഷ്ട്രീയപാർട്ടികൾ മാത്രമല്ലേ നമുക്കുളൂ. ഇവരുടെ ളോഹയെ പേടിക്കാത്ത തന്റേടമുള്ള ഒരുരാഷ്ട്രീയക്കാരനെയെങ്കിലും കാണാൻ കൊതിയാകുന്നു.
പ്രതികരണം: Z. Nedunkanalകത്തോലിക്കാ അച്ചന്മാരെയും കന്യാസ്ത്രീകളെയും പോലെ സത്യത്തെ ഇത്രമാത്രം അവഹേളിക്കുന്ന ഒരു ഗണം വേറെയില്ല. അവരെ അടുത്തറിയണം തനിനിറംകാണാൻ. അവരുടെ നിലനില്പുതന്നെ യേശുവിന്റെ വചനങ്ങളെ വളച്ചൊടിച്ചും ദുർവ്യാഖ്യാനം നടത്തിയും ആണ്. പ്രായം ചെന്ന ചിലരൊഴിച്ച്, പ.കുർബാനയിൽവിശ്വസിക്കുന്ന പരോഹിതർ ഇന്നില്ല. വിയർക്കാതെ അപ്പം തിന്നുന്ന ഇവർക്ക് സുവിശേഷത്തെ ഭയമാണ്. കാരണം, പണത്തിനും സുഖത്തിനുമായി ആരെയുംചതിക്കാൻ മടിയില്ലാത്തവരാണ് അധികാരസ്ഥാനങ്ങൾ കൈക്കലാക്കി വച്ചിരിക്കുന്നത്. സന്യസ സഭകളിലെ പോലും അധികാര വടംവലികൾ അറിഞ്ഞാൽവിശ്വാസികൾ ഞെട്ടും. എനിക്ക് നേരിട്ടറിയാവുന്നവയാണ് ഈ കുറിക്കുന്നത്. ഇന്നത്തെ സഭയുടെ ആശുപത്രികളെല്ലാം വൈദികരിലെ കൗശലക്കാർ ആണ്നടത്തുന്നത്. അതേ കൗശലം പഠിച്ച കന്യാസ്ത്രീകൾ അവർക്ക് കൂട്ടിനുണ്ട്. ഇവർ കണ്ണിൽ ചോരയുള്ളവരായിരുന്നെങ്കിൽ ദുരിതമനുഭവിക്കുന്ന നേഴ്സുമാരുടെ ഈസമരം ഒഴിവാക്കാമായിരുന്നു.ഒരു വിധത്തിലുള്ള ഒത്തുതീർപ്പിനും നേഴ്സുമാർ വഴങ്ങരുത്. വഴങ്ങിയാൽ അടുത്ത 20 കൊല്ലം പിന്നെ ഒന്നും മാറാൻ പോകുന്നില്ല. അതോർത്തോളൂ.

ധീരതയോടെ അടുത്ത ഒരു വൈദികനും പ്രതികരിച്ചിരിക്കുന്നു

നേഴ്സ് ജോലി ചെയ്യുന്ന എന്റെ എല്ലാ സഹോദരങ്ങൾക്കും സമരത്തിന് പിന്തുണ അറിയിക്കുന്നു. ഞാൻ ഒരു കാത്തോലിക്കാ പുരോഹിതനാണ്. എന്റെ വീട്ടിലുള്ളസഹോദരങ്ങളും ബന്ധുക്കളിൽ അധികവും നഴ്സ്മാരാണ്. ബഹു ഭൂരിപക്ഷം അച്ചന്മാരുടെയും വീട്ടിൽ നേഴ്സ്മാരാണ് കൂടുതലും. നിങ്ങളുടെ വേദന പൂർണമായുംഞങ്ങൾ മനസ്സിലാകുകയും സമരത്തെ പിന്തുണക്കുകയും ചെയ്യുന്നു. പക്ഷെ സഭയുടെ ആശുപത്രികൾ നിയന്ത്രിക്കുന്നതും അച്ചന്മാർ തന്നെയാണ്. അവരാകട്ടെതങ്ങളുടെ മിടുക്കു തെളിയിക്കാനായി ലാഭം കൂട്ടാനുള്ള ശ്രമത്തിൽ മനുഷ്യത്വവും കരുണയും ഇല്ലാതെ പെരുമാറുന്നു. സഭയുടെ ഒരാശുപത്രിപോലും നഷ്ടത്തിലല്ല.കാരണം ഇപ്പോഴും ലോണെടുത്തു പുതിയ കെട്ടിടങ്ങൾ പണിതു കൂട്ടുന്നു.തന്മൂലം എന്നും കടവും നഷ്ടവും ആണെന്ന് പറയുകയും ചെയ്യാം. ആശുപത്രിയിൽ നിന്നുംകിട്ടുന്ന പണം അവിടെത്തന്നെ നിക്ഷേപിക്കും - അത് രൂപതകൾ വകമാറ്റി ചിലവഴിക്കാറില്ല. മാനേജ്‌മന്റ് ആയി ജോലി ചെയ്യുന്ന പലരും ചെയ്യുന്ന ചൂഷണങ്ങൾമൂലം സുവിശേഷ പ്രസംഗങ്ങൾ പറയാൻ ഞങ്ങൾക്ക് ലജ്ജ തോന്നുന്നു. കാരണം സ്വന്തം കണ്ണിൽ തടിയിരിക്കുന്നുണ്ടെന്നു ഞങ്ങൾക്കറിയാം. തങ്ങളുടെ ജോലിക്കാരെചൂഷണം ചെയ്തുണ്ടാക്കുന്ന കെട്ടിടങ്ങളും പണവും യൂദാസിന്റെ മുപ്പതു വെള്ളിക്കാശുകൊണ്ട് മേടിച്ച രക്തപ്പറമ്പും ഒരുപോലെയാണ്. നേഴ്സ്മാരുടെ ശാപംചുമക്കാൻ ഞങ്ങൾക്ക് ഭയമാണ്.ബന്ധിതർക്കു മോചനവും അടിച്ചമർത്തപ്പെട്ടവർക്കു സ്വാതന്ത്ര്യവും നല്കാൻ വന്ന യേശു ഇതിനു കൂട്ടുനിൽക്കില്ല.ജോലിക്കാരുടെകൂലി പിടിച്ചുവെക്കുന്നതിനെ പൗലോസ് ശ്ലീഹാ അനുകൂലിക്കില്ല. ആദ്യം വന്നവനും അവസാനം വന്നവനും ഒരു ദനാറ എന്ന മാന്യമായ കൂലി കൊടുത്തയേശുവായിരിക്കണം സഭയുടെ മാനേജ്‌മന്റ്. തൊണ്ണൂറ്റിയഞ്ച് ശതമാനം വരുന്ന ബാക്കി പുരോഹിതർ ചെയ്യുന്ന നല്ല കാര്യങ്ങൾ പോലും നേഴ്സ്മാരുടെ കണ്ണീരിൽഒലിച്ചു പോകുന്നു. അനുസരണം എന്ന വ്രതം മൂലം ഒരുപാടു നല്ല അച്ചന്മാർ പരിധിവിട്ടു പ്രതികരിക്കാതെ നിങ്ങൾക്കായി പ്രാർത്ഥിക്കുന്നു. ഞങ്ങൾനിസ്സഹായരാകുന്നിടത്തു നിങ്ങളുടെ ഈ നല്ല സമരം വിജയിക്കണം. കൂട്ടത്തിലുള്ളവരുടെ ക്രൂരതകൾക്കെല്ലാം ഞങ്ങൾ നിങ്ങളോട് മാപ്പ് ചോദിക്കുന്നു.റേരുംനോവാറും എന്ന മാർപ്പാപ്പയുടെ ആ പഴയ ചാക്രിക ലേഖനം ഇപ്പോൾ ഒന്നൂടെ പ്രസിദ്ദികരിക്കുന്നതു നല്ലതാണ്. കാരണം ജോലിക്കാരോട് എങ്ങനെ പെരുമാറണമെന്ന് ഒരു നൂറ്റാണ്ടു മുൻപ് അതിൽ വ്യക്തമായി പറഞ്ഞിട്ടുണ്ട്. വിമർശിച്ചുകൈയ്യടി മേടിക്കാനല്ല, മറിച്ചു അഗാധമായ വിഷമം കൊണ്ടാണ് ഇതെഴുതുന്നത്. ഈ ഒരുമ നിങ്ങൾക്ക് എന്നുമുണ്ടാകണം. ദൈവം നിങ്ങളുടെ കൂടെയുണ്ട്.....കുനിഞ്ഞ ശിരസ്സുമായി
ഫാ. ജോസഫ് ചക്കാലക്കൽ

ആൽഫി ബ്രിട്ടോ

"കരയുന്ന മാലാഖമാര്‍!"പണ്ടുമുതല്‍ ഇന്നുവരെ ലോകം മുഴുവന്‍ പ്രഗല്‍ഭരായ നെഴ്സുമാരെ സംഭാവന ചെയ്യുന്ന ഈ സാക്ഷര കേരളത്തിലാണ്, ഇന്നും നുഴ്സ്മാര്‍ക്ക് ഏറ്റവും കടുത്തചൂഷണം നേരിടേണ്ടിവരുന്നത് എന്നത് ഏറെ വിരോധാഭാസമായി തോന്നാം!മൂന്ന് വര്‍ഷത്തെ പ്രവര്‍ത്തിപരിചയവും നല്ല സ്വഭാവ സര്‍ട്ടിഫിക്കറ്റും നേടിയാലെ അവര്‍ക്ക് മറ്റെവിടെയെങ്കിലും നല്ല സാധ്യതകള്‍ എത്തിപ്പിടിക്കാന്‍ കഴിയൂ എന്ന'അടിസ്ഥാന അവശ്യ ഘടകമാണ്' ഈ കിരാത വ്യവസ്ഥിതി നിലനിര്‍ത്തിക്കൊണ്ടുപോകാന്‍ ഇവിടെ അവരെ എന്നും ചൂഷണം ചെയ്യാന്‍ ധൈര്യം കാട്ടുന്നകശാപ്പുകാര്‍ക്ക് തുണയാവുന്ന ഒളിരഹസ്യം!അക്കാരണത്താല്‍ത്തന്നെ ആ കാലയളവില്‍ അവര്‍ പഞ്ചപുച്ചമടക്കി ഈ അക്രമം എല്ലാം സഹിച്ച് നിന്നുകൊടുക്കുമെന്ന് ഈ കശ്മലന്മാര്‍ക്ക്‌ ഉറപ്പുണ്ട്!അങ്ങനെ മരിച്ച് പണിയെടുത്ത് ഒരുവേള അവരില്‍ ഭാഗ്യമുള്ളവര്‍ കുറേപ്പേര്‍, അക്കരകളില്‍ ചേക്കേറി രക്ഷപെടും. ആ ഒഴിവുകള്‍ നികത്തി എല്ലാ വര്‍ഷവുംപുതിയവര്‍ പഠിച്ച് ഇവിടെ ഇറങ്ങുന്നുമുണ്ടല്ലോ! അതുകൊണ്ട് ഇവിടെയുള്ള കശാപ്പുകാര്‍ക്ക് ഒഴിവുനികത്താന്‍ പുതിയ ഇരകള്‍ക്ക് ഒരു പഞ്ഞവും വരുന്നുമില്ല!അവരും പഴയവരില്‍ ശേഷിക്കുന്നവരും ഒരു നല്ല ഭാവി ഒരുദിനം തങ്ങള്‍ക്കും വരുമെന്ന സ്വപ്നവും മനസ്സില്‍ താലോലിച്ച് വീണ്ടും ഇവിടെ തുടരാന്‍നിര്‍ബന്ധിതരാവുന്നു. അങ്ങനെ പല കാരണങ്ങളാല്‍ ഇവിടെ പെട്ടുപോകുന്നവരാണ്, ചിലപ്പോള്‍ അവരുടെ ജീവിതകാലം മുഴുവന്‍ ഈനാട്ടിലെ കശാപ്പുകാരുടെകൊടിയ ചൂഷണം അനുഭവിക്കേണ്ടി വരുന്ന ഹതഭാഗ്യര്‍!പണ്ട് ഈ നാട് പട്ടിണിയായിരുന്ന ഒരു നാളില്‍, അനേകം പ്രതികൂല സാഹചര്യങ്ങളെ നേരിട്ട്, ഇന്ത്യയുടെ പല പട്ടണങ്ങളിലും, പിന്നീട് വിദേശങ്ങളിലും, തങ്ങളുടെസ്വസ്ഥ ജീവിതത്തിന് വെല്ലുവിളിയാവുന്ന പല പ്രതികൂല ജീവിത ഘടകങ്ങളെയും തരണം ചെയ്ത്, പലപ്പോഴും സ്വന്തം ജീവിതം തന്നെ പണയപ്പെടുത്തി ഈ നാടിനെപട്ടിണിയില്‍നിന്നും രക്ഷിച്ചത് ഇവരായിരുന്നു. ഇന്നും ഈ നാടിന്റെ സമ്പത്ത് ഘടനയെ ഒരു നല്ല ശതമാനം ഉയര്‍ത്തി നിര്‍ത്തുന്നവരുടെ കൂട്ടത്തില്‍ പ്രഥമ സ്ഥാനംഇവര്‍ക്കുതന്നെ എന്ന് അറിയാത്തവരോ നമ്മള്‍!ഒരുവേള അങ്ങനെ "ലോട്ടറിയടിച്ചു രക്ഷപെടുന്ന ഒരു വര്‍ഗമാണിവര്‍" എന്നതിനോടുള്ള അസൂയയാണോ, ഇന്നാട്ടില്‍ പെട്ടുപോകുന്ന ഇവരുടെ കൂട്ടുകാരോട് കാട്ടുന്നഈ ക്രൂരമായ അതിക്രമഭാവം, എന്ന് പോലും സംശയിക്കെണ്ടിയിരിക്കുന്നു!!

--