"ഹേ മനുഷ്യാ,സര്‍വലോകവും നീ നേടിയാലും നിന്റെ ആത്മാവിനെ നീ നഷ്ടമാക്കിയാല്‍ നിനക്കെന്തു പ്രയോജനം ?" എന്ന ക്രിസ്തുവിന്‍റെ ചങ്കില്‍ കൊള്ളുന്ന ചോദ്യം 'സണ്‍‌ഡേ സ്കൂളില്‍' നിന്നുപോലും കേട്ടിട്ടില്ലാത്ത മൂന്നച്ചായന്മാര്‍ അടുത്തകാലത്തായി അധികാര കസേരകള്‍ക്കായി തമ്മില്‍ ചതിക്കുന്നതും, കുതികാല്‍ വെട്ടുന്നതും, പുറകില്‍നിന്നും കുത്തുന്നതും, .കൊല്ലാതെകൊല്ലാനായി കുതന്ത്രങ്ങള്‍ മെനഞ്ഞു സ്വന്തം മനസ് നരകതുല്യമാക്കുന്നതും, നാം ടീവിയിലൂടെ കണ്ണുനിറയെ കണ്ടു മനംമടുത്തവരാണല്ലോ !എന്നും കര്‍ത്താവിന്‍റെ ശരീരം ഭക്ഷിക്കുകയും അവന്‍റെ പരിശുദ്ധനിണം പാനം ചെയ്യുകയും ചെയ്തു 'സ്വയം നീതിമാന്മാരായ' ഈ മൂന്നു കലികാലപുണ്ണ്യവാന്മാരോടും എനിക്ക് പുശ്ചമാണ് സത്യം ! ഉപജീവനത്തിനായല്ല , സുഖഭോഗങ്ങള്‍ക്കായി തിരുവചനങ്ങള്‍ വളച്ചൊടിച്ചു, പുതിയപുതിയ സഭകള്‍ ഉണ്ടാക്കി ജനത്തെ ഊറ്റിക്കുടിക്കുന്ന കള്ളപ്പുരോഹിതരോടും എനിക്ക് നിക്രിഷ്ടഭാവമാണ് സത്യം ! ഇവന്റെയൊക്കെ കൈമുത്താനും,അതുമൂലം ഇവന്മാരുടെ ഒത്താശയിലും ശുപാര്ശലും കിട്ടിയേക്കാവുന്ന സ്വര്‍ഗരാജ്യവും എനിക്ക് വേണ്ടെവേണ്ടാ..! അന്പത്തിയോന്നു വെട്ടുന്ന പാര്ടിയെക്കാളും എന്ടപ്പന്മാരുടെ പാര്‍ട്ടി ഇവറ്റകള്‍ നാണക്കേടില്‍ മുക്കിക്കളഞ്ഞല്ലോ എന്ന ദു:ഖമാണകതാരില്‍! ഇത്രനാളും കര്‍ത്താവിനെ ശാപ്പിട്ടിട്ടും അവന്‍റെ തിരുവചങ്ങള്‍ ഇവറ്റകള്ക്കിനിയും മനസിലേറിയില്ലല്ലോ,എന്നതാണ് കാലത്തിന്റെ തീരാദുഃഖം! നീചനായ പുരോഹിതന്റെ നീചമനസുകൊണ്ട് ഉരുവിടുന്ന കൂദാശാജപ്പനങ്ങള്‍ക്ക് കാലപ്പഴക്കത്തില്‍ എന്തുവിലയെന്നു കണ്ടറിയാം.,,,,. ..
തിരുപനന്തപുരം കാഴ്ച്ചബെന്ഗ്ലാവില്‍ കാണ്ടാമൃഗം ആത്മഹത്യയ്ക്കൊരുങ്ങി! കേരളത്തിലെ രാഷ്ട്രീയ നേതാക്കളുടെ തൊലിക്കട്ടി കണ്ടു പരാജയ ബോധമാണതിനു കാരണം പോലും!
" കാണ്ടാമൃഗത്തിന്‍റെ തോലുള്ള ചെന്നായ്ക്കള്‍ ആടുകളായി നടിച്ചു ,
കക്ഷിയിൽ ,പാര്‍ട്ടിയില്‍ ഒത്തുചേര്‍ന്നീടുവാന്‍ ശേഷം ജനത്തോടു കൂറി .." !
തിരുപനന്തപുരം കാഴ്ച്ചബെന്ഗ്ലാവില്‍ കാണ്ടാമൃഗം ആത്മഹത്യയ്ക്കൊരുങ്ങി! കേരളത്തിലെ രാഷ്ട്രീയ നേതാക്കളുടെ തൊലിക്കട്ടി കണ്ടു പരാജയ ബോധമാണതിനു കാരണം പോലും!
" കാണ്ടാമൃഗത്തിന്‍റെ തോലുള്ള ചെന്നായ്ക്കള്‍ ആടുകളായി നടിച്ചു ,
കക്ഷിയിൽ ,പാര്‍ട്ടിയില്‍ ഒത്തുചേര്‍ന്നീടുവാന്‍ ശേഷം ജനത്തോടു കൂറി .." !
No comments:
Post a Comment