അഭിനന്ദനങ്ങള്‍ .....

ഒരു അത്മായാ ശബ്ദത്തിന് എന്ത് ചെയ്യാന്‍ കഴിയുമെന്ന് ചോദിച്ചവര്‍ക്ക് ഇന്ന് മറുപടിയില്ല. കോതമംഗലം അരമന ജനത്തിനു മുമ്പില്‍ മുട്ടുകുത്തിനില്‍ക്കുന്നതാണ് ഇപ്പോള്‍ ലോകം കാണുന്നത്. ട്രിബ്യുണലിനെ പഴി ചാരിയവര്‍ക്ക് ഇപ്പോള്‍ എന്ത് കൊണ്ട് ജോസഫിനെ തിരിച്ചെടുക്കാന്‍ സാധിച്ചു? സമര കാഹളം ലോകമെങ്ങും നിന്ന് മുഴക്കിയവര്‍ക്കെല്ലാം ഈ വിജയത്തിലും പങ്കുണ്ട്, ഇതിന് നേതൃത്വം വഹിച്ച അത്മായശബ്ദവും സോള്‍ ആന്‍ഡ്‌ വിഷനും പ്രത്യേകം അഭിനന്ദനവും അര്‍ഹിക്കുന്നു. സമരം വിജയിച്ചു എന്ന് നമുക്ക് പറയാനാവില്ല, നിരപരാധിയായ സലോമിയുടെ ആത്മാവ് മാത്രമേ ഇപ്പോള്‍ നമ്മോടോപ്പമുള്ളൂ. ആ ദു:ഖം ഒരിക്കലും മായുകയുമില്ല.

ഈ സമരം നിര്‍ത്തരുതെന്നാണ് പ്രവാസീ കത്തോലിക്കരായ ഞങ്ങള്‍ക്ക് പറയാനുള്ളത്. വിദേശ സന്ദര്‍ശനം നടത്താന്‍ വരുന്ന കേരള മെത്രാന്മാര്‍ക്ക് പ്രത്യേകിച്ചും തട്ടില്‍ മെത്രാന് സുഖകരമായ ഒരു സ്വീകരണം ആയിരിക്കില്ല ഇനി ലഭിക്കാന്‍ പോകുന്നതെന്ന് വിദേശ മലയാളികള്‍ തുറന്നെഴുതി കഴിഞ്ഞു. എന്തുമാകട്ടെ, ഈ സമരം നിര്‍ത്തരുത്. നമുക്ക് ഒരു പ്രശ്നം കൂടി അടിയന്തിരമായി പരിഹരിക്കാനുണ്ട്, കാഞ്ഞിരപ്പള്ളിയിലെ വൃദ്ധ ദമ്പതികളായ മോനിക്കാ-തോമസ്‌മാര്‍ക്ക് അവരുടെ നഷ്ടപ്പെട്ട ഭൂമി കാഞ്ഞിരപ്പള്ളി രൂപതയില്‍ നിന്ന് തിരിച്ചു കൊടുപ്പിക്കണം. അതിനും അത്മായാ ശബ്ദവും ഫെയിസ് ബുക്ക് ലോകവും മുന്നിട്ടിറങ്ങണമെന്നു  ഞാന്‍ അപേക്ഷിക്കുന്നു.