Translate

Thursday, November 1, 2012

സണ്‍ഡേ സ്‌കൂള്‍ വിദ്യാര്‍ത്ഥിനിയുടെ മരണം: കേസില്‍ നിന്ന് പിന്‍മാറാന്‍ പത്തുലക്ഷം രൂപ കോഴ


October 29th, 2012


ആലപ്പുഴ: ഏറെ വിവാദമായ സണ്‍ഡേ സ്‌കൂള്‍ വിദ്യാര്‍ത്ഥിനി ശ്രേയയുടെ ദുരൂഹമരണം സംബന്ധിച്ച് കോഴ വാഗ്ദാനം ചെയ്തുവെന്ന് വെളിപ്പെടുത്തല്‍. കേസില്‍ നിന്ന് പിന്‍മാറാന്‍ പത്ത് ലക്ഷം രൂപ കോഴ വാഗ്ദാനം ചെയ്തന്നാണ് പൊതുപ്രവര്‍ത്തകന്‍ കളര്‍കോട് വേണുഗോപാലന്‍ നായര്‍ വെളിപ്പെടുത്തിയത്.
ഒരു അഭിഭാഷകനാണ് പണം വാഗ്ദാനം ചെയ്തത്. ഇയാളുടെ പേര് വെളിപ്പെടുത്താന്‍ ആഗ്രഹിക്കുന്നില്ല. സി.ബി.ഐ ആവശ്യപ്പെട്ടാല്‍ പണം ഓഫര്‍ ചെയ്തയാളുടെ പേര് പരസ്യപ്പെടുത്തുമെന്നും അദ്ദേഹം പറഞ്ഞു.
ശ്രേയയെ 2010 ഒക്ടോബര്‍ 17ന് പുലര്‍ച്ചെയാണ് കൃപാഭവന്‍ കോമ്പൗണ്ടിലെ കുളത്തില്‍ മരിച്ച നിലയില്‍ കണ്ടെത്തിയത്. ചങ്ങനാശ്ശേരി അതിരൂപതയുടെ കീഴിലുള്ള അക്‌സപ്റ്റ് കൃപാഭവന്‍ ലഹരി വിമോചന കേന്ദ്രത്തില്‍ വ്യക്തിത്വ വികസന ക്ലാസില്‍ പങ്കെടുക്കാനെത്തിയതായിരുന്നു കൈതവന ഏഴരപ്പറമ്പില്‍ ബെന്നിയുടെ മകള്‍ ശ്രേയ. ആലപ്പുഴ സെന്റ് ആന്റണീസ് ഗേള്‍സ് സ്‌കൂളിലെ ഏഴാം ക്ലാസ് വിദ്യാര്‍ത്ഥിനിയായിരുന്നു. രാത്രി കുട്ടികള്‍ക്കൊപ്പം ഉറങ്ങാന്‍ കിടന്ന ശ്രേയയെ കുളത്തില്‍ മരിച്ചനിലയില്‍ കണ്ടെത്തിയത് ഏറെ ദുരൂഹമാണ്.
കൂട്ടുകാരികള്‍ക്കൊപ്പം ഉറങ്ങാന്‍ കിടന്ന ശ്രേയ എങ്ങനെ കുളത്തില്‍ വീണുവെന്നതാണ് സംശയം ജനിപ്പിക്കുന്നത്. വഴിതെറ്റാതെ കുട്ടി എങ്ങനെ ഇവിടേയ്ക്ക് എത്തിപ്പെട്ടുവെന്നതും ദുരൂഹത വര്‍ദ്ധിപ്പിക്കുന്നു. രാത്രിയില്‍ കോമ്പൗണ്ടിനുള്ളില്‍ കെട്ടിയിരുന്ന അല്‍സേഷന്‍ നായ കുരയ്ക്കുന്നതുകേട്ട് ക്യാമ്പ് അസി.ഡയറക്ടര്‍ പുറത്തിറങ്ങി നോക്കി. കതക് തുറന്നുകിടക്കുന്നത് കണ്ടിട്ടും കൂടുതലൊന്നും പരിശോധിക്കാതെ കതകടച്ച് പോരുകയായിരുന്നുവെന്ന ഡയറക്ടറുടെ മൊഴിയും വിശ്വാസ്യതയെ ചോദ്യം ചെയ്യുന്നതാണ്.
വിശദമായ റിപ്പോര്‍ട്ടു വായിക്കാന്‍ താഴെ ക്ലിക്കു ചെയ്യുക: 


sunday school student shreya murder case | keralaonlinenews.com:

'via Blog this'

No comments:

Post a Comment