Translate

Tuesday, November 6, 2012

രണ്ടാം വയസ്സിലേക്ക് കടക്കുമ്പോള്‍

നമ്മുടെ ഈ ബ്ലോഗിന്റെ ഒന്നാം വാര്‍ഷികമാണിന്ന്. 

നമ്മുടെ ബ്ലോഗിലെ എഴുത്തുകാരുടെ വായനകൂടി കണക്കാക്കിയാല്‍ ഇതിനോടകം 137000 പേജുകാഴ്ചകള്‍ ആയിട്ടുണ്ട്‌. തൊള്ളായിരത്തിലേറെ പോസ്റ്റുകളും. ഇവയില്‍നിന്ന് ആത്മീയമായ ഉണര്‍വും കര്‍മ്മചൈതന്യവും പകരുന്ന കുറെ പോസ്റ്റുകള്‍ തെരഞ്ഞടുത്ത് ഇ-പുസ്തകരൂപത്തില്‍ ഒരു സ്മരണികയായി പ്രസിദ്ധീകരിക്കാന്‍ കരുതുന്നു. വായനക്കാര്‍ ഓരോരുത്തരും തങ്ങള്‍ക്കിഷ്ടപ്പെട്ട പത്തു പോസ്റ്റുകള്‍ വീതം തെരഞ്ഞടുത്ത് നിര്‍ദ്ദേശിച്ചാല്‍ പ്രാഥമികമായ തെരഞ്ഞെടുപ്പ് എളുപ്പമാകും. അതിന്റെ അടിസ്ഥാനത്തില്‍ ഒരു വിദഗ്ധസമിതിയുടെകൂടി നിര്‍ദ്ദേശങ്ങള്‍ക്കനുസൃതമായി അവസാന തെരഞ്ഞെടുപ്പ് നടത്തണമെന്നും ഏറ്റവും കൂടുതല്‍ പേര്‍ നിര്‍ദ്ദേശിക്കുന്ന ഒരു ലേഖനത്തിന് ഒരവാര്‍ഡ് പ്രഖ്യാപിക്കണമെന്നും കൂടി കരുതുന്നുണ്ട്. 

KCRM ന്റെ ചര്‍ച്ചായോഗങ്ങള്‍ മൊബൈല്‍ ഫോണുകളിലെ റിക്കാര്‍ഡിങ്ങ് സംവിധാനം ഉപയോഗിച്ച് റിക്കാര്‍ഡു ചെയ്തു തുടങ്ങിയിട്ടുണ്ട്. അങ്ങനെ റിക്കാര്‍ഡു ചെയ്യുന്ന റിപ്പോര്‍ട്ടുകള്‍ ഇ-മെയില്‍ വിലാസം അയച്ചുതരുന്നവര്‍ക്ക് (ഇ-മെയില്‍ അറ്റാച്ച്‌മെന്റായി അയച്ചുതരാനാവും. (യാതൊരെഡിറ്റിങ്ങും ഉണ്ടാവില്ല. റിയല്‍ പ്ലേയറില്‍ കേള്‍ക്കാനാവും.) അവ MP3 ആയി കണ്‍വര്‍ട്ടു ചെയ്തശേഷം എഡിറ്റും ചെയ്ത് ശബ്ദമായിത്തന്നെ പ്രക്ഷേപണം ചെയ്യുന്നതിന് ആവശ്യകമായ സോഫ്റ്റ്‌വെയറുകളെയും പോഡ്കാസ്റ്റിങ് സംവിധാനത്തെയും പറ്റി പഠിച്ചുകൊണ്ടിരിക്കുന്നു. സാങ്കേതികജ്ഞാനമുള്ളവരുടെ സമയത്തിന് ന്യായമായ പ്രതിഫലം നല്കണം. അതിനു കഴിഞ്ഞാല്‍ മൊബൈല്‍ ഫോണുകളിലെ റിക്കാര്‍ഡിങ്ങ് സംവിധാനംതന്നെ ഉപയോഗിച്ച് സ്വന്തം അഭിപ്രായങ്ങള്‍ പകര്‍ത്തി ഇ-മെയില്‍ അറ്റാച്ച്‌മെന്റായി അയച്ചുതന്നാല്‍ അവ ശബ്ദമായിത്തന്നെ പ്രക്ഷേപണം ചെയ്യുന്നതിനും നമുക്കു സാധിച്ചേക്കും.

അയച്ചുതരാമെന്നു ഞങ്ങള്‍ വാഗ്ദാനം ചെയ്യുന്ന മൊബൈല്‍റിക്കാര്‍ഡിങ്ങുകളും സത്യജ്വാല മാസികയുടെ പിഡിഎഫ് ഫയലുകളും കൈപ്പറ്റുന്നവര്‍ എന്തെങ്കിലും സംഭാവന നല്കാന്‍ സന്നദ്ധരാകുന്നപക്ഷം (S B T, Pala Branch A/c No. 67117548175 A/c Name: Kerala Catholic Church Reformation Movement IFSC Code: SBTR0000120) എല്ലാം നമുക്കു നടപ്പാക്കാവുന്നതേയുള്ളു.

1 comment: