“നിങ്ങള് സത്യം അറിയുകയും സത്യം നിങ്ങളെ സ്വതന്ത്രരാക്കുകയും ചെയ്യും.” യോഹ. 8:32 (KCRM ഒരുക്കുന്ന ചര്ച്ചാവേദി)
Thursday, March 15, 2012
thonnika: എന്ത് ചെയ്യാം.?
thonnika: എന്ത് ചെയ്യാം.?: പുണ്യചരിതനായിരുന്ന പല്ലാട്ടുകുന്നേല്‍ പി,സി അബ്രാഹം നിര്യാതനായി. കേരള സഭാ താരം,നൂറ്റാണ്ടിന്റെ അത്മായ പ്രേക്ഷിതന്‍,കേരള സഭാരത്‌നം എന്നീ ബഹു...
Subscribe to:
Post Comments (Atom)
മിഷന്‍ലീഗ് സ്ഥാപകനും സുചരിതനുമായിരുന്ന കുഞ്ഞേട്ടന്‍ (ശ്രീ പിസി അബ്രാഹം) സ്വര്‍ഗത്തിലിരുന്നു നോക്കുമ്പോള്‍ കാണാനും വിചാരിക്കാനുമിടയുള്ള കാര്യങ്ങളാണ് ഈ കവിതയിലുള്ളത്. ഇതില്‍ കുഞ്ഞേട്ടന്റെ വാക്കുകളില്‍ത്തന്നെ എഴുതിയിട്ടുള്ളതുപോലെ അദ്ദേഹത്തെ ഒരു പണമരമാക്കാന്‍ സഭ ശ്രമങ്ങള്‍ തുടങ്ങാനിടയുണ്ട്. അതിനുമുമ്പുതന്നെ, അദ്ദേഹത്തിന്റെ ആത്മശാന്തിക്കായിത്തന്നെ, കുഞ്ഞേട്ടനെ ആത്മാര്‍ഥമായി സ്‌നേഹിക്കുന്നവര്‍ പ്രതിരോധിക്കേണ്ടതുണ്ടെന്നാണ് എന്റെ അഭിപ്രായം.
ReplyDeleteസ്വര്‍ഗസ്ഥനായ കുഞ്ഞേട്ടന്‍
സ്വര്‍ഗം - സര്‍വം കാണാനാവുമൊ-
രിടമാണിവിടം! ലോകവുമോരോ
മര്‍ത്യനുമുള്ളിന്നുള്ളിലൊതുക്കും
വിവിധവികാര വിചാര പരമ്പര
പുഴകള്‍പോലൊഴുകുന്നതുമിങ്ങീ
കൊടുമുടിമേലേറിടുകില്‍ കാണാം!
അകമുഖമായ് കണ്ടീടാം സകലം!!
മുഖപടമെല്ലാമിവിടഴിയുന്നു!!!
അപകടമൊന്നില്‍പ്പെട്ടു പരിക്കുക-
ളരുളും വേദനയില്‍ കഴിയുമ്പോള്‍
പലരുടെയും മുഖപടമഴിയുന്നതു
കണ്ടവനാം ഞാന്‍! മൃതിയിവിടെന്നെ-
യണച്ചിടുമെന്നൊരു പ്രത്യാശയൊടേ
സകലതുമന്നു പൊറുത്തവനാം ഞാന്‍!!
ഇവിടെയിരു,ന്നവിടുള്ളൊരു കപടത
പരമപിതാവു പൊറുക്കുന്നതു പോല്‍
തനയരുമങ്ങു പൊറുക്കുന്നതിലൊരു
ഗതികേടുള്ളതു കാണുന്നൂ ഞാന്‍!
അല്‍ഫോന്‍സാമ്മയെ ഇന്നെന്നതുപോല്‍
എന്നെയുമൊരു പണമരമായ്ക്കണ്ടി-
ട്ടൊരു മധ്യസ്ഥ-വിശുദ്ധപദത്തില്‍
അവരോധിക്കാ, മതു തടയാനാര്‍?
എന്നെ സ്‌നേഹിക്കുന്നവരെ ഞാന്‍
തേടവെ കണ്ടൂ: യാഥാര്‍ഥ്യങ്ങള്‍!
അവയറിയിപ്പതുമൊരു സുവിശേഷം:
'അറിവിലുണര്‍ന്നാലല്ലോ സ്വര്‍ഗം!
മര്‍ത്യരെ സത്യം കൊണ്ടല്ലാതിനി
മുക്തിയിലെത്തിക്കാനാവില്ല!!!'